O Concello de Vigo cédenos habitualmente o Auditorio do Concello para realizar nel as nosas proxeccións. Tamén recibimos unha subvención para cubrir parte dos nosos gastos. Esta subvención permítenos seguir abertos. Son varias as concellalías que dende a nosa fundación nos veñen apoiando, especialmente, a Concellalía de Cultura, a Concellalía de Xuventude e a Concellalía de Muller.

     A Federación de Galicia de Cineclubes reúne ós cineclubes galegos nunha plataforma común. Son moitos os cineclubes que pertencen á federación que ten a súa sede en Ourense. A federación galega é unha vella aspiración do movementos cineclubista galega que naceu nos anos 80 e que vén demostrando dende entón a importancia cultural do cine e do cineclubismo.

     A Federación de Galicia de Cineclubes pertence á Federación Estatal de Cineclubes e mantén boas e fluídas relacións coa Federaçao Portuguesa de Cineclubes. É unha das organizadoras dos encontros de cine galego-portugués.

     A Alianza Francesa é unha institución de recoñecido prestixio na difusión internacional da cultura e da lingua francesa e que serviu de modelo a organismos parecido doutros países. Na súa labor difusora, a Alianza Francesa de Vigo apostou polo cine francés e case dende a fundación do Cineclube Lumière, ambas organizacións veñen colaborando no Ciclos de Cine Francés que mensualmente, de outubro a maio, proxecta unha estrea francesa en versión subtitulada en castelán.

     O cine galo é un dos cines europeos máis potentes, con maior producción de filmes, tanto francesa como en coproducción con países de lingua francesa ou non. Sen embargo, este cinema dificilmente chega ás pantallas españolas e non digamos ás viguesas. Gracias a colaboración entre a Alianza Francesa e o Cineclube Lumière, o cine francés está presente e vivo na cidade.