Xuño 2013

A programación deste mes será no AUDITORIO DO CONCELLO DE VIGO: PRAZA DO REI.

     Podedes descarga-la programación do presente mes máis as fichas técnicas. Están dispoñibles nos seguintes formatos:

VIXÉSIMO ANIVERSARIO - AS REVOLTAS DE STONEWALL AÍNDA NON REMATARON

     As revoltas de Stonewall consistiron nunha serie de manifestacións espontáneas e violentas contra as contínuas extorsións, redadas e arrestos policiais á comunidade lésbica, gai, trans e bisexual na cidade de Nova York.

     Unha redada policial que tivo lugar na madrugada do 28 de xuño de 1969, no bar coñecido como o Stonewall Inn do barrio de Greenwich Village, foi a que deu orixe á mobilización. Cítanse estes feitos como a primeira ocasión, na historia dos Estados Unidos, na que a comunidade LGBT loitou contra un sistema que os perseguía co beneplácito do goberno, e son xeralmente recoñecidos como o catalizador do movemento moderno pro-dereitos LGBT nos Estados Unidos e no resto do mundo.

     Eran poucos os locais que acollían a persoas abertamente homosexuais durante as décadas de 1950 e 1960. Os que o facían eran normalmente bares, aínda que os seus propietarios e administradores raramente eran gais. O Stonewall Inn, nesa época, era propiedade da mafia. Tiña una clientela variada, pero era coñecido por ser popular entre as persoas máis marxinadas da comunidade gai: transexuais, drag queens, prostitutos masculinos e mozos sen teito. As redadas policiais nos bares gais eran algo rutineiro durante a década dos 60, pero os axentes da policía perderon o control da situación no Stonewall Inn e atraeron a unha multitude de xente provocando a rebelión.

     Tras as revoltas protagonizadas inicialmente por drags e trans, ás que se sumarían posteriormente toda a comunidade LGBT e hetero de Nova York, fíxose fronte aos obstáculos de índole xeracional, de clase e de xénero para formar unha comunidade cohesionada. Aos seis meses crearanse dúas organizacións de activistas gais co obxecto de realizar protestas de confrontación, e ademais fundáronse tres xornais para promover os dereitos para gais e lesbianas. En poucos anos fundáronse organizacións de dereitos homosexuais ao longo dos Estados Unidos e internacionalmente. O 28 de xuño de 1970 tiveron lugar as primeiras marchas do Orgullo Gai en Nova York e nos Ángeles, conmemorando o aniversario dos disturbios. Co tempo, outras cidades foron organizando marchas similares. Hoxe en día celébranse actos do Orgullo Gai anualmente por todo o mundo contra finais de xuño, para recordar os disturbios de Stonewall.

     Recordemos que en moitos países a persecución e a condena a morte mantense viva, e que o fomento da homofobia e a intolerancia en países con longa tradición democrática quedou patente tras a aprobación actual dun matrimonio igualitario en Francia.

     O cine club Lumiére súmase tamén ao orgullo coa programación deste ciclo de filmes que vos ofrecemos.

     Esperamos que o gocedes!!

     *Contaremos coa presenza de Beatriz Suárez Briones, profesora da Universidade de Vigo, que presentará o ciclo.

OBRADOIROS DE FOTOGRAFIA DIXITAL

     Para aquellos que empiezan en la fotografía o quieren sacarle todo el rendimiento a su cámara y para los que quieran potenciar su creatividad trabajando con su cámara digital y en la edición posterior de las fotografías.

     A continuación podedes baixar a seguinte información (Formato PDF):


     Inscrición para os obradoiros de Fotografía Dixital. Teléfono de contacto: 697 350 836, info.laconde@gmail.com, facebook.com/fotografialumierevigo


TALLER DE GUION CINEMATOGRAFICO

     Segue aberto o prazo de inscrición para un obradoiro de Guión. Teléfono de contacto: 627 211 948 ou joemanda@hotmail.es .


     A continuación podedes baixar a seguinte información (Formato PDF):
TALLER DE CREACION AUDIOVISUAL

     O noso colaborador propón unha nova oferta creativa co "Taller de creación audiovisual". Teléfono de contacto: 627 211 948 ou joemanda@hotmail.es .


     A continuación podedes baixar máis informacion relacionada co taller (Formato PDF):

     No seguinte enlace podedes ver un dos cortos que se filmou tralo curso de guión.
Curtametraxe

COLABORACIONS

     Grazas ao acordo coas librerías LIBROURO (rúa Eduardo Iglesias, núm. 12) todas as persoas asociadas terán un desconto do 5% nas compras logo da presentación do carné.

     Poñemos no voso coñecemento que o CineClub conta cunha pequena videoteca de 200 títulos, elixidos cos mesmos criterios de interese e calidade có resto da programación. O servizo é de balde para as persoas asociadas.

     Ademáis colaboran:
FEDERACIÓN DE GALICIA DE CINECLUBS, NOVACAIXAGALICIA: OBRA SOCIAL E CONCELLARÍA DE ANIMACIÓN SOCIOCULTURAL DO CONCELLO DE VIGO



C/ Doctor Cadaval, 33 - 4ºA - CP 36202 - Apdo.190 - Vigo (Pontevedra) - ESPAÑA   Escríbenos